Bëni Like Struga.info në Facebook


Pakoja e Madhe/ Rama: Ndihmë e posaçme financiare për policët, mësuesit dhe administraten

Pinterest LinkedIn Tumblr +
Pakoja e Madhe/ Rama: Ndihmë e posaçme financiare për policët, mësuesit dhe administraten

8 mijë lekë është ndihma financiare që qeveria do të japë për të gjithë pensionistët. Lekët do të shpërndahen në janar dhe sipas kryeministrit Edi Rama ato janë një ndihmë për të lehtësuar pasojat e inflacionit, kryesisht në produktet ushqimore.

 

 

Pensionistët janë vetëm njëra nga kategoritë që do të përfitojë nga ajo që kreu i qeverisë e quan “Pakoja e Madhe” prej 8 miliardë lekësh.

Advertisement

 

 

Të njëjtën shumë prej 8 mijë lekësh do ta marrin edhe personat me ndihmë ekonomike dhe ata me aftësi të kufizuara.

Advertisement

 

 

 

Mbështetja më e madhe financiare për ata që janë pjesë e skemës së ndihmës ekonomike do të jetë për gratë kryefamiljare. Qeveria do tu japë atyre 20 mijë lekë.

Advertisement

 

 

Kategoritë të cilat do të përfitojnë një bonus në fillim të 2023 do të jenë edhe mësuesit, infermierët, forca të policisë, ushtarakët, zjarrfikësit dhe punonjësit e administratës.

Advertisement

 

 

Ndihma financiare është menduar të jetë në bazë të rrogës. Ata punonjës të shtetit që paguhen nën 60 mijë lekë në muaj, do të marrin 20 mijë lekë. Ndërsa për ata me rrogë më të lartë se 60 mijë, bonusi është 10 mijë lekë.

Advertisement

 

 

Për të dyja kategoritë përfituesit llogariten të jenë mbi 100 mijë persona, ku numrin më të madh e përbëjnë mësuesit bashkë me edukatorët dhe më pas administrata shtetërore.

Advertisement

 

 

Mbështetja financiare do t’i kushtojë buxhetit të shtetit 8 miliardë lekë dhe ajo do të prezantohet e gjitha nga kryeministri Edi Rama në konferencën e fundvitit, të shtunën e 31 dhjetorit.

Advertisement
Share.

Comments are closed.

Copyright © 2022 Struga.info | Privacy policy