Partia e Lirisë bën denoncimin e radhës për inceneratorin e Tiranës/ “U dhanë 70 milionë euro për pajisje të përdorura”

Partia e Lirisë ka vijuar edhe ditëm e sotme me denoncimet për inceneratorin e Tiranës.

Koordinatroja e Luftës Antikorrupsion të kësaj parti Brisida Shehaj në një dalje për media deklaroi se për djegësin e Tiranës janë dhënë 70 milionë euro pagesa nga shteti dhe private, dhe pajisjet u blenë të përdorura.

“Bëjmë publike një kontratë që është lidhur mes kompanisë italiane dhe Integrate Energji, që ka në thelb blerjen e një impianti të përdorur. Ne paguajmë dhjetra mln euro, ku kompania mori 70 mln euro pagesa nga shteti dhe privati dhe blen pajisje ë përdorur. Kontrata u bë në 17 shtator të 2020-ës.”, tha ajo.