Partia Demokratike e Kosovës ka e cila në dy palë zgjedhjet e fundit ka mbetur në opozitë, synon t’i kthehet opozitarizmit të vjetër që kishte dikur duke formuar sërish qeverinë nën hije.
Përmes qeverisë në hije, për çdo dikaster apo institucion të qeverisë, formohet një “dikaster hije” i opozitës.
“Ne konsiderojmë se një qeveri në hije e Partisë Demokratike është shumë e mirëseardhur për shëndetin demokratik të Kosovës, për ta demaskuar populizmin si mendësi më herët partiake e tash qeveritare”.
Synimi i PDK-së nuk është vetëm të kritikojë qeverinë, por të përgatisë popullatën se kjo parti është alternativë qeverisëse.
“Gjithsesi nuk do të jenë të mjaftueshme nëse ne vetëm kritikojmë e nuk e bëjmë atë që është më e rëndësishme dhe primare për PDK-në që t’i ofrojmë alternativë, qytetari i Kosovës do të ketë alternativë, nuk bënë kjo qeveri atëherë kush mund ta zëvendësojë”.
Një formë të tillë të opozitës, PDK e kishte bërë edhe gjatë viteve 2005-2007.
“Ne kemi të kaluarën, kemi pasur të njëjtën, dhe ka rezultuar se është e suksesshme dhe këtë do ta bëjmë tani së shpejti”.
Qeveria në hije, apo kabineti në hije, ka evoluar nga një proces joformal në parlamentin britanik.
