Qendra më e madhe e teknologjisë në vend shumë shpejt do të jetë risia më tërheqëse në kryeqytet.
Erion Veliaj inspektoi ecurinë e punimeve, ndërsa shtoi se vitin tjetër do të mirëpriten të rinj nga e gjithë bota në kuadër të “Tirana, kryeqyteti Europian i Rinisë 2022”
ERION VELIAJ
AdvertisementKRYETAR I BASHKISE TIRANE
“Vitin tjetër kur do të jemi “Kryeqyteti Europian i Rinisë”, të rinjve në Tiranë do u japim ndoshta dhuratën më të mirë ndonjëherë, që është një shtëpi e madhe digjitale në mes të kryeqytetit, në vendin më të lakmuar. U shpëtua ndër vite për të gjithë peripecitë që ka kaluar Tirana. Kur shikoj Parkun Rinia si u zaptua, sheshi apo zona të tjera, u shpëtua por kjo nuk mjafton, se mund ta shpëtosh diçka dhe ta mbash gërmadhë, ose mund t’i japësh jetë dhe ta transformosh
Projekti i rijetësimit të Piramidës parashikon një godinë transparente dhe plot dritë. Gjithashtu, synon të krijojë simbolin e ri për Tiranën, ku ndërtesa të jetë e arritshme nga të gjitha anët. Piramida do të shërbejë si një lloj inkubatori për bizneset në fushën e inovacionit, artit dhe kreativitetit.
Programet që do të ofrohen janë: animacion, zhvillimi i lojërave, kinematografia, Ueb design, muzikë, shkrim, vizatim, dizajn grafik, modelim 3D, programim, robotikë, grafika e lëvizjes, fotografi dhe media e re.
