Presidenti i Republikës, Bajram Begaj, zhvilloi një vizitë shtetërore në Azerbajzhan ku u prit nga homologu i tij Ilham Aliyev.
Pas ceremonisë zyrtare të pritjes, dy presidentët zhvilluan një takim kokë më kokë, i cili u pasua më tej nga një takim i delegacioneve.Të dy krerët e shteteve mbajtën gjtihashtu një konferencë për mediat ku presidenti Begaj u ndal te situata e tensionuar mes Kosovës dhe Serbisë.
BAJRAM BEGAJ
PRESIDENT I SHQIPËRISË
Advertisement“Kosova dhe Serbia janë palë negociuese për zgjidhjen e çdo mosmarrëveshjeje dhe të ndërtimit të një fryme të re bashkëpunimi mes njëra-tjetrës. Respektimi i marrëveshjeve të dakordësuara nga palët si mes tyre dhe në forumet ndërkombëtare, duhet të jenë pika orientimi drejt paqes së qëndrueshme.”
Ndërmarrja e hapave të shpejtë në kuadrin e gazifikimit të Shqipërisë ishte gjithashtu pjesë e bisedës së dy presidentëve.
“Shqipëria një vend tranzit i gazit është tashmë një realitet; Shqipëria një vend përfitues i transmetimit të gazit është një objektiv, për realizimin e të cilit vendi ynë angazhohet të thellojë edhe më tej bashkëpunimin”
Kreu i Shtetit nënvizoi se Shqipëria mirëpret vëmendjen e shtuar të Azerbajxhanit në zhvillimin e projekteve rajonale të energjisë, që do të afronte edhe më tej vendet e Ballkanit Perëndimor, teksa në të njëjtën kohë do të forconte edhe pozitat e tyre energjetike.
