Protesta e opozitës/ Ja rrugët që do të bllokohen në Tiranë

Policia e Shtetit ka ndërmarrë një serë masash për mbarëvajtjen e protestës që pritet të organizohet pasditen e së shtunes në Tiranë.

Sipas njoftimit, policia bën me dije rrugët që do të bllokohen për shkak të tubimit të opozitës që pritet të nisë në orën 16:00.

Policia shpjegon se nga ora 15:00 do të bllokohen bulevardet kryesore të Tiranës dhe rrugët që lidhen me godinën e kryeministrisë.

Policia apelon qytetarët që të shmbangin lëvizjet me automjete në këto akse për shkak të bllokimit të tyre.

Blutë sigurojnë se janë marrë masa gjithashtu edhe për ruajtjen e sigurisë dhe garantimin e rendit.

Policia e Shtetit

Advertisement

Në kuadër të tubimit që do të zhvillohet më datë 12.11.2022, në orën 16:00, në bulevardin “Dëshmorët e Kombit”, në Tiranë, Policia e Shtetit, me qëllim garantimin e rendit dhe sigurisë, para, gjatë dhe pas përfundimit të tubimit, në zbatim të detyrave të përcaktuara në planin e masave, të hartuar për këtë qëllim, njofton qytetarët se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të lëvizjes së pjesëmarrësve në tubim.

Segmentet rrugore që do të jenë të bllokuara, duke filluar prej orës 15:00, të datës 12.11.2022, deri në përfundim të tubimit, janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Policia kërkon mirëkuptimin e qytetarëve që të shmangin lëvizjen me automjete, në këto akse rrugore, dhe të përdorin rrugë alternative, me qëllim moskrijimin e konfuzionit dhe për të mos penguar lëvizjen e lirë të qytetarëve.

Advertisement

Policia e Shtetit garanton qytetarët se ka marrë të gjitha masat e sigurisë, në përmbushje të përgjegjësive institucionale të saj, për garantimin e rendit dhe sigurisë, para, gjatë dhe pas përfundimit të tubimit, si dhe për sigurinë rrugore, në të gjithë territorin e vendit, veçanërisht në sheshet dhe segmentet rrugore, në të cilat do të zhvillohet tubimi.