Alma është një prej protestueseve që këtë të enjte iu bashkua thirrjes kundër helmimit të kafshëve. Ajo marshoi së bashku me dhjetëra vullnetarë dhe dashamirës, pasi qenushja e saj u helmua nga persona ende të paidentifikuar në kryeqytet.
Vullnetarët theksojnë se kjo situatë vijon prej vitesh dhe kërkojnë kontroll të rreptë nga institucionet.
Në lidhje me rastin e publikuar në rrjetet sociale për helmimin e qenve, personat e dyshuar aktualisht janë pezulluar nga puna ne bashkine e Tiranes.
Nga ana tjetër, vullnetarët e konsiderojnë këtë reagim të pamjaftueshëm, duke kërkuar marrjen e masave konkrete dhe dënim me burg për autorët e këtij rasti, por edhe shumë të tjereve./vizionplus.tv
Advertisement
