Protestë për pallatin në Durrës/ Kompania ndërpret punimet për riparimin e dëmit nga tërmeti

Pinterest LinkedIn Tumblr +
Protestë për pallatin në Durrës/ Kompania ndërpret punimet për riparimin e dëmit nga tërmeti

Banorët e një pallati dhjetë katësh pranë tregut industrial të qytetit të Durrësit, i cili u dëmtua nga lëkundjet sizmike të 26 nëntorit 2019, protestuan këtë të mërkurë para bashkisë.

Shkak u bë ndërprerja e punimeve nga firma kontraktuese për riparimin e objektit, i cili sipas ekspertizës së thelluar të institutit të ndërtimit është shpallur me shkallë dëmtimi ds4.

Edhe pse punimet për përforcimin e godinës nisën në qershor, ato u ndërprenë pas një muaji. Banorët u shprehen të zhgënjyer, ndërsa kërkuan shpjegim nga autoritetet. Ata thanë gjithashtu se prej dy muajsh nuk kanë marrë as bonusin e qerasë.

 

Advertisement

BANORE

 

Kush është arsyeja e ndërprerjes së punimeve të rikonstruksionit. Në një kohë që e kemi përballuar sfidën e tërmetit dhe jemi kthyer në një familje ciganësh. Nuk po dimë a kemi shpresë a s’kemi. Veç kësaj, edhe bonuset e qerasë ka dy muaj që s’po jepen.

 

Advertisement

 

BANORE

Ne kemi bërë kërkesë drejtuar kryebashkiakes. Banorët kanë qenë edhe më parë në bashki. Kryetarja nuk i ka pritur. I ka pritur shefi urbanistikës. Ne duam një shpjegim sepse sot na kanë thënë.

 

Advertisement

Punimet sipas projektit ishin parashikuar të mbylleshin brenda 168 ditëve. Lidhur me rastin, Vizion Plus iu drejtua bashkisë, e cila refuzoi të jepte një përgjigje. Ndërkohë burimet pranë firmës së ndërtimit, thanë se punimet u ndërprenë për shkak se fondi i akorduar për riforcimin e godinës ishte i pamjaftueshëm.

 

Në pallatin 10-katësh jetonin 102 familje, të cilat pas tërmetit tragjik u shpërngulën në banesa me qira.

Advertisement
Share.

Comments are closed.

Copyright © 2023 Struga.info | Privacy policy