Bëni Like Struga.info në Facebook


PS tjetër kallëzim në SPAK për “21 Janarin”/ Gjiknuri: Përgjimet tregojnë implikimin e Berishës dhe Bashës

Pinterest LinkedIn Tumblr +
PS tjetër kallëzim në SPAK për “21 Janarin”/ Gjiknuri: Përgjimet tregojnë implikimin e Berishës dhe Bashës

Partia Socialiste depozitoi këtë të mërkurë në SPAK një tjetër kallëzim ndaj Sali Berishës, Lulzim Bashës dhe Ndrea Prendit për çështjen e 21 janarit.

 

Materiali audio i bërë publik në media, për sekretarin e Përgjithshëm të PS, Damian Gjiknuri tregon qartë se vrasjet u urdhëruan nga lart dhe u përgatitën me gjakftohtësi.

 

Advertisement

DAMIAN GJIKNURI – SEKRETAR I PERGJITHSHEM I PS

Dialogjet e bëra publike midis ekzekutorëve, e tregojnë qartë se vrasjet u urdhëruan nga lart dhe u përgatitën me një gjakftohtësi kriminale, e cila nuk ka asnjë lidhje me ligjin për Gardën e Republikës! Ne e kemi drejtuar gishtin tek Sali Berisha menjëherë pas ngjarjes tragjike! Nuk besoj të ketë patur qytetar që në mos atë ditë, në ditët, javët e muajt pasues, të mos e ketë kuptuar se urdhëruesit e këtyre vrasjeve ishin Sali Berisha e Lulzim Basha.

 

Në një deklaratë për mediat, Gjiknuri tha se faktet e reja nuk i janë nënshtruar hetimeve e gjykimeve të mëparshme e për këtë arsye vendimi i Gjykatës së Apelit të vitit 2013 për ish-komandantin e Gardës Ndrea Prendi nuk qëndron.

Advertisement

 

FAKTOHET tashmë me audio se vrasjet janë kryer me dashje të drejtpërdrejt dhe jo nga pakujdesia, siç e konstatoi Gjykata e Apelit të Tiranës me vendimin e vitit 2013.

Përfshirja e ministrit Lulzim Basha në komunikim me radio rezulton e provuar katërcipërisht dhe ky fakt krijon dyshimin e bazuar se ndërhyrja e tij në lidhje të drejtpërdrejt me efektivin e Gardës është bërë me porosi e për të dhënë urdhrin nga Sali Berisha, i kallëzuari tjetër, si personi më i fuqishëm në atë kohë.

 

Advertisement

Në kallëzimin e depozituar Partia Socialiste akuzon ish-kryeministrin Sali Berisha, ish-ministrin e Brendshëm Lulzim Bashën dhe ish-komandantin e Gardës Ndrea Prendin për kryerjen e veprave penale të “Vrasjes në rrethana të tjera cilësuese”.

 

Më herët ishte ministri Ulsi Manja ai që depozitoi një kallëzim me po të njëjtën akuzë në SPAK.

 

Advertisement

 

 

 

Advertisement

 

Share.

Comments are closed.

Copyright © 2022 Struga.info | Privacy policy