Ministrja e Arsimit, Evis Kushi deklaroi se pas pushimeve te fundvitit shkolla do të fillojë në datën 11 janar. Këtë njoftim ajo e bëri teksa merrte pjesë në vizitën e kryeministrit të Maqedonisë së Veriut Zoran Zaev në Bashkinë e Pustecit.
“Në bashkëpunim me Komitetin e Ekspertëve kemi vendosur që pas pushimeve të fundvitit shkolla të nisë në datën 11 janar dhe jo në 4, siç parashikonte urdhri i mëparshëm”, tha Kushi.
Ky vendim është marrë në bashkëpunim me Komitetin e Ekspertëve, shtoi ministrja.
Ndërkohë, në shkolla procesi mësimor vijon të jetë i alternuar, në mjediset fizike dhe online.
Advertisement
