Përreth një orë, Prokuroria e Posaçme ka marrë në pyetje ish-drejtorin e kompleksit ‘Partizani’, Isa Tare lidhur me hetimet që po bëhen për dosjen e privatizimit.
Po për të njëjtën çështje është marrë në pyetje në shtator të këtij viti edhe ish-Ministri i Mbrojtjes, Fatmir Mediu si person që mund të ketë dijeni. Po ashtu ka dëshmuar edhe ish-gjenerali i mbështetjes logjistike Vladimir Qiriazi.
Privatizimi në mënyrë antiligjore i kompleksit është kallëzuar në prokurorinë e posaçme nga Kreu i Grupit Parlamentar socialist Taulant Balla . Ai paditi në vitin 2020, ish-kryeministrin Sali Berisha, ish-ministrat e mbrojtjes Arben Imami, Fatmir Mediu e Gazmend Oketa.
Sipas Ballës, ata kanë përfituar financiarisht duke privatizuar afro 10 mijë metra katrorë tokë në pronësi të Ministrisë së Mbrojtjes, për të ndërtuar kulla.
