Rama ‘thumbon’ Ilir Metën: Ai që do të ndërtojë Portin e Durrësit, ka ndërtuar gjysmën e Dubait, kurse ky që e përgojon…

Kryeministri Rama i ka kthyer përgjigje kreyt të Partisë së Lirisë, Ilir Meta i cili ka deklaruar ditën e sotme se, Projekti i Portit Turistik të Durrësit i është dhënë kompanive guackë.

Përmes një reagimi në Tëitter, Rama shkruan se ai që do të investojë në Durrës ka ndërtuar gjysmën e Dubait ndërsa për Ilir Metën nuk i ka kursyer ‘thumbat’.

“Ai që do të ndërtojë Portin Turistik të Durrësit, ka ndërtuar gjysmën e Dubait, kurse ky që e përgojon ka ndërtuar vetëm dy parti, njëra sapo ka ikur për skrap tjetra sapo ka ardhur për lekë! Kam edhe një ndjesi tjetër: Më duket se kjo tjetra do na lerë shumë më shpejt se e para!”– shkruan kryeministri.