Shqipëri, Serbia dhe Maqedonia e Veriut do të vendosin nesër nese do t’i përgjigjen pozitivisht ftesës për të marrë pjesë në samitin e radhës të Këshillit Europian që mbahet pas 3 ditësh në Bruksel.
Në një lidhje me skype në studione lajmeve në Vizion Plus, Gledis Gjipali nga lëvizja Europiane në Tiranë thotë se ky rast është një risi. Sipas tij, ky është një sinjal për ridimensionimin e marrëdhënieve midis Ballkanit Perëndimor dhe BE.
Advertisement
“Në këtë rast është një risi që disa nga liderat e Ballkanit Perëndimor thonë prit të mendohen. Ky është një sinjal për ridimesionimin e marrëdhënieve midis Ballkanit Perëndimor dhe BE”, tha Gjipali.
Ai theksoi se edhe opozita dhe qeveria janë bashkëfajtore për vonesat në integrimin Europian.
Advertisement
