Reforma në Drejtësi/ Ambasada e SHBA: Nuk është e shpejt dhe e përsosur

Pinterest LinkedIn Tumblr +
Reforma në Drejtësi/ Ambasada e SHBA: Nuk është e shpejt dhe e përsosur

Ambasada e SHBA ka bërë një reagim mbi progresin që ka bërë Shqipëria gjatë pesë viteve të para të Reformës në Drejtësi.

 

Në njoftimin e ambasadës së SHBA, thuhet se reforma në drejtësi nuk ka qenë e shpejtë, e përsosur dhe as e lehtë, por shprehen mirënjohës për atë që e kanë sjellë Shqipërinë deri në këtë fazë.

 

Advertisement

“Me mbylljen e vitit 2021, Ambasada e Shteteve të Bashkuara në Tiranë hedh një vështrim mbi progresin që ka bërë Shqipëria gjatë pesë viteve të para të Reformës në Drejtësi. Progresi nuk duhet të matet vetëm nga distanca deri në destinacion, progresi duhet të matet edhe nga sa larg kemi arritur në udhëtim. Paketa legjislative, duke përfshirë ndryshime të rëndësishme kushtetuese, shënoi një pikënisje për matjen e këtij progresi. Si një reformë gjithëpërfshirëse, Shqipëria zgjodhi të ndërmerrte një plan tërësor për të rivlerësuar integritetin dhe profesionalizmin e anëtarëve të sistemit të drejtësisë dhe promovimin e një kulture të re nëpërmjet ndryshimit të strukturës së institucioneve të drejtësisë nëpërmjet depolitizimit dhe decentralizimit.

 

Përfaqësuesit e Ambasadës së ShBA u mblodhën së fundmi me disa nga individët e shumtë që punojnë pa u lodhur, çdo ditë, për të zbatuar këto koncepte dhe për ta bërë reformën në drejtësi një sukses. Reforma në drejtësi nuk është e lehtë, e shpejtë apo e përsosur dhe Ambasada e Shteteve të Bashkuara është mirënjohëse për ata që e kanë sjellë Shqipërinë deri këtu”, thuhet në postimin e ambasadës.

Advertisement
Share.

Comments are closed.

Copyright © 2023 Struga.info | Privacy policy