Bëni Like Struga.info në Facebook


Rrëmbyen një person, e dhunuan dhe e lanë në mes të rrugës/ Identifikohen autorët (EMRAT)

Pinterest LinkedIn Tumblr +
Rrëmbyen një person, e dhunuan dhe e lanë në mes të rrugës/ Identifikohen autorët (EMRAT)

Një person i dëmtuar rende është paraqitur mbrëmjen e 18 janarit ne Spital.

 

I dëmtuari ka dëmtime te renda ne fytyre e trup, thyerje te hundës, thyerje te dhëmbit, thyerje te njërit gisht. Identiteti i te dhunuarit është Gentian Omeri, 39-vjec nga fshati Verve, Bashkia Konispol.

 

Advertisement

Nga ky konstatim policia ka nisur hetimin për kapje e autorëve të ngjarjes.

 

Bëhet me dije se ditën e sotme janë arrestuar katër persona të dyshuar ndërsa bashkëpunëtori i tyre Alfred Ndoji, 39 vjeç është shpallur në kërkim.

 

Advertisement

Shtetasit e arrestuar janë: Pjeter Ndoj (me precedent të mëparshëm kriminal në fushën e narkotikëve), Astrit Ndoj, Aleksander Ndoj dhe Anton Ndoj (të afërm të njëri-tjetrit), të gjithë banues në fshatin Shëndelli, Sarandë.

 

Njoftim policie:

 

Advertisement

Sarandë/Finalizohet operacioni policor i koduar “Pengmarrja”, për zbardhjen e një ngjarjeje kriminale në fushën e krimeve kundër personit.

 

Operacioni u zhvillua nga Forca Operacionale e DVP Vlorë, në bashkëpunim me Komisariatin e Policisë Sarandë dhe FNSH, nën drejtimin e Prokurorisë së Sarandës.

 

Advertisement

Rrëmbyen një shtetas, e mbajtën me forcë në automjetin e tyre, e plagosën rëndë atë, me sende të forta dhe e lanë pa ndjenja, në rrugë, Policia identifikon dhe vë në pranga, brenda pak orësh, 4 autorët e dyshuar, njëri prej tyre me precedent kriminal. Shpallet në kërkim bashkëpunëtori i tyre.

 

Më datë 19.01.2023, rreth orës 01:00, salla operative Sarandë ka marrë njoftim se disa shtetas po ndiqnin me automjet shtetasin G. O. dhe po i rrezikohej jeta prej tyre.

 

Advertisement

Menjëherë pas marrjes së njoftimit, shërbimet e Policisë kanë reaguar me shpejtësi, duke shkuar në vendngjarje dhe kanë konstatuar në rrugën e fshatit Xarrë, shtetasin G. O., të plagosur rëndë fizikisht, i cili është dërguar menjëherë në spitalin e Sarandës, ku ndodhet aktualisht, nën kujdesin e mjekëve.

 

Falë veprimeve të shpejta hetimore dhe profesionale nga shërbimet e Policisë, në kuadër të operacionit policor të koduar “Pengmarrja”, bazuar dhe në informacionet e siguruara nga inteligjenca informative, brenda pak orësh është bërë e mundur zbardhja e rrethanave të ngjarjes dhe identifikimi i autorëve të dyshuar të saj.

 

Advertisement

Në vijim të veprimeve dhe ndjekjes të pandërprerë nga shërbimet e Policisë, rreth orës 04:00, u bë lokalizimi në fshatin Shëndelli dhe prangosja e 4 autorëve të dyshuar, konkretisht e shtetasve:

 

P.N., 30 vjeç (me precedent të mëparshëm kriminal në fushën e narkotikëve), A. N., 21 vjeç, A. N., 44 vjeç dhe A. N., 21 vjeç (të afërm të njëri-tjetrit), të gjithë banues në fshatin Shëndelli, Sarandë.

 

Advertisement

Gjithashtu u bë shpallja në kërkim shtetasit A. N., 39 vjeç, banues në Shëndelli, Sarandë. Vijon puna për kapjen e tij.

 

Nga veprimet hetimore dyshohet se këta shtetas, në bashkëpunim me njëri-tjetrin, për motive të dobëta, kanë përplasur me dashje automjetin që drejtonte shtetasi G. O., të cilin e kanë plagosur duke e goditur me sende të forta, e më pas e kanë futur në automjetin e tyre, duke e mbajtur aty me forcë, dhe më pas e kanë lënë pa ndjenja, në rrugë.

 

Advertisement

Në cilësinë e provës materiale u sekuestruan 3 automjete që përdoreshin nga të arrestuarit dhe 7 aparate celulare.

 

Materialet hetimore i kaluan Prokurorisë pranë Gjykatës së Rrethit Gjyqësor Sarandë, për veprat penale “Plagosja e rendë me dashje”, “Heqja e paligjshme e lirisë” dhe “Shkatërrimi i pronës”, të kryera në bashkëpunim.

Advertisement
Share.

Comments are closed.

Copyright © 2022 Struga.info | Privacy policy