Rriten euro dhe dollari/ Ndryshimet në tregun valutor, për shkak të luftës 

Dita e sotme nisi me një nënçmim të monedhës vendase, kundrejt valutave si euro dhe dollar, me afro 1 pikë përqindje.

Sipas kursit të Bankës së Shqipërisë, një euro u këmbye me 124. 6 lekë, nga 122 që ka qenë mesatarisht që nga vera e vitit të kaluar.

Ndërsa një dollar u këmbye me 111.8 lek nga 105 që ka qenë mesatarisht gjatë vitit të kaluar.

Kjo tendencë e kursit të këmbimit është vërejtur pas nisjes së luftës në Ukrainë.

Për vendin tonë, rënia e lekut kundrejt valutave do të thotë një tendencë e rritjes së kostove për bizneset që importojnë mallra dhe produkte që blihen me euro dhe dollarë.