Çmimi i rritur prej 42 lekësh për ata familjarë që konsumojnë mbi 800 kilovat/orë në muaj do të qëndrojë në fuqi në periudhën nëntor-dhjetor.
Vetëm nëse Furnizuesi i Shërbimit Universal dorëzon një kërkesë të re pranë Entit Rregullator të Energjisë, që zbatimi i fashës të shtyhet, njësoj siç u veprua edhe për tetorin, situata mund të ndryshojë.
Nga ana e qeverisë, është lënë e hapur mundësia që edhe për nëntorin faturimi me fasha të mos aplikohet, mbështetur në pritshmëritë për reshje dhe kursimin e energjisë nga ana e familjarëve.
BELINDA BALLUKU
MINISTRE E ENERGJISE DHE INFRASTRUKTURES
Advertisement
“ERE miraton çmimet, aplikimi nëse do të rritet apo jo i përket qeverisë. Ne dhe për muajin e ardhshëm do të vendosim në bazë të shifrave. Kemi vënë re që shqiptarët kanë filluar kursimin. Në javën e parë të nëntorit presim reshje në zonën e kaskadës së Drinit. Kjo do të sillte që Qeveria të mos e aplikojë as për muajin nëntor fazën e rritjes së çmimit. Por ne do ta vazhdojmë ta mbrojmë konsumatorin.”
Furnizuesi i shërbimit universal ka mundësi edhe përgjatë nëntorit që të bëjë kërkesën pranë ERE-s për të shtyrë hyrjen në fuqi të çmimit të rritur të energjisë elektrike, përsa kohë që faturimi për nëntorin, bëhet në dhjetor.
Në mungese të një kërkese nga Furnizuesi, Fasha e miratuar nga Enti aplikohet automatikisht, të paktën për nëntorin.
