Samiti i BE/ Jorida Tabaku: Rama do të shkojë me një këmbë

Jorida Tabaku ka deklaruar se kryeministri Edi Rama do të shkojë në Samitin e BE në 23 qershor me një këmbë.

Përmes një reagimi në Tëitter Tabaku shkruan se deliri prej narcisti nga ana e Ramës po fsheh paaftësinë e tij për të kryer “detyrat e shtëpisë”.

“A do shkojë ER në samitin e BE? Me një këmbë! Deliri prej narcisti me liderin rajonal që i tërheq veshin BE fsheh paaftësinë e tij për të zbatuar detyrat e shtëpisë! Fati i Shqipërisë është BE. Të tjerat janë justifikime që fshehin krizën e rritjes së çmimeve!”, shkruan Tabaku.

Më herët kryeministri Rama konfirmoi pjesmarrjen e tij në Samitin e BE të enjten pas vendimit të opozitës bullgare për të votuar pro heqjes së vetos nga ana e Bullgarisë ndaj Maqedonisë së Veriut.