SHBA: Godasim korrupsionin, saksione kundër atyre që destabilizojnë Ballkanin

Pinterest LinkedIn Tumblr +
SHBA: Godasim korrupsionin, saksione kundër atyre që destabilizojnë Ballkanin

I dërguari special i Uashingtonit për Ballkanin Perëndimor, Gabriel Escobar ka përsëritur vendosmërinë e SHBA për ti dërguar një mesazh të fortë aktorëve të korruptuar dhe destabilizues në rajon.

 

Sipas Escobar nuk do të ketë hezitim për sanksione nëse kjo është e nevojëshme.

 

Advertisement

 

 “Liderët e Ballkanit Perëndimor duhet të punojnë në interes të qytetarëve, në vend që të punojnë për interesat e tyre personale dhe partiake. Ne nuk do të hezitojmë të përdorim sanksione ose mekanizma të tjerë për të dërguar një mesazh të fortë për aktorët e korruptuar dhe destabilizues. Politika identitare, e cila ndan dhe që ka penguar përparimin e rajonit në të kaluarën, nuk ka bërë asgjë për interesat e njerëzve nga Ballkani Perëndimor.”

 

Escobar shtoi se Shtetet e Bashkuara do të jenë një partner për ata që kanë një qasje konstruktive, jo shkatërruese, ndaj të ardhmes së rajonit.

Advertisement

 

“Është kundërproduktive që politikanët dhe aktorët e tjerë po shfrytëzojnë temat e identitetit për të fituar pikë politike në kurriz të përparimit ekonomik dhe pajtimit rajonal. Kjo është një taktikë e zakonshme në Ballkanin Perëndimor, ku liderët politikë përdorin ndarjet historike që të mbjellin përçarje mes votuesve dhe të bllokojnë përparimin e shteteve.”

 

Një ditë më parë Shtetet e Bashkuara vendosën sanksione të reja ndaj udhëheqësit serb të Bosnjës, Milorad Dodik, me motivacionin “për aktivitete korruptive” dhe “kërcënime të vazhdueshme ndaj stabilitetit dhe integritetit territorial” të Bosnje Hercegovinës.

Advertisement
Share.

Comments are closed.

Copyright © 2023 Struga.info | Privacy policy