Dy persona u arrestuan nga policia e Durrës pasi akuzohen për shpërndarje të drogave të forta në doza të vogla.
Forcat e Posaçme kanë ndaluar në lagjen nr.6, Durrës, një motomjet me drejtues shtetasin Enis Pirro dhe pasagjer shtetasin Pedi Canosinaj.
Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje.
Në vijim të veprimeve nga specialistët për Hetimin e Narkotikëve në DVP Durrës, arrestuan në flagrancë shtetasit Enis Pirro, 43 vjeç dhe Pedi Canosinaj, 33 vjeç, të dy banues në Durrës.
Advertisement
Po kështu u sekuestrua lënda narkotike, motomjeti, 1 aparat celularë dhe një grirëse hashashi.
