Greqia ka regjistruar numër të lartë të viktimave nga koronavirusi Covid-19 në 24 orët e fundit. Sipas autoriteteve shëndetësore greke, kanë humbur jetën 105 pacientë duke e çuar numrin e përgjithshëm të viktimave në 17.425.
Ndërkohë, janë regjistruar 7287 raste të reja me Covid-19 si rezultat i testeve të përgjithshme. Numri i pacientëve të intubuar në të gjithë Greqinë është 608, pjesa më e madhe e të cilëve janë meshkuj.
Rreth 80% e tyre vuajnë edhe nga probleme të tjera shëndetësore. 391 qytetarë janë shtruar në spital vetëm në 24 orët e fundit.
Vetëm javën e kaluar, Greqia forcoi akoma më shumë masat ndaj qytetarëve që nuk janë të vaksinuar.
Advertisement
