Shpërndanin drogë në Tiranë e Lezhë, arrestohen 2 persona, sekuestrohet mbi 1 kg kokainë

Pinterest LinkedIn Tumblr +
Shpërndanin drogë në Tiranë e Lezhë, arrestohen 2 persona, sekuestrohet mbi 1 kg kokainë

Një 46-vjeçar i identifikuar si Vitor Kaci, banues në Lezhë është arrestuar nga policia e Tiranës pasi u kap me 1 kg e 15 gram kokainë.

Nga verifikimet e kryera ka rezultuar se në bashkëpunim me persona të tjerë, ende të paidentifikuar, pasi siguronte sasi lënde narkotike në peshën 2-3 kg, e ndante atë në doza, të cilat i shisnin më pas në zona të ndryshme të kryeqytetit dhe të qytetit të Lezhës.

Advertisement

Kaci u kap në rrugën “Asim Vokshi”.

Punohet për identifikimin dhe kapjen e personave të tjerë të implikuar në këtë veprimtari kriminale. Një tjetër operacion u zhvillua nga policia e Tiranës dhe u arrestuar një 26-vjeçar i identifikuar si Rediol Duka dhe u procedua penalisht në gjendje të lirë shtetasi I. Zh., 43 vjeç, banues në Tiranë.

Advertisement

Gjatë kontrollit fizik nga shërbimet e Policisë, atyre iu gjetën dhe iu sekuestruan, në cilësinë e provës materiale, doza me lëndë të dyshuar narkotike kokainë, gati për shitje. Pas verifikimeve të kryera ka rezultuar se këta shtetas, në bashkëpunim me njëri-tjetrin, pasi siguronin lëndë narkotike kokainë, e ndanin në doza, të cilat i shisnin në zona të ndryshme të Tiranës.

Dy operacionet u finalizuan brenda 12 orësh nga policia e Tiranës. Materialet i kaluan Prokurorisë, për veprime të mëtejshme procedurale.

Advertisement
Share.

Comments are closed.

Copyright © 2022 Struga.info | Privacy policy