Këshilltari mediatik i qeverisë, Endri Fuga ka reaguar lidhur me lajmin se Shqipëria do të pranojë emigrantë ilegalë që kapen në Britaninë e Madhe..
Përmes një postimi në rrjetet sociale, Fuga thekson se ky është lajmi që Shqipëria do ngrejë një qendër azilantësh për llogari të palëve të treta, është absolutisht i pavërtetë.
“Lajmi se Shqipëria do ngrejë një qendër azilantësh për llogari të palëve të treta është absolutisht i pavërtetë. Shqipëria hapi dyert për 4 mijë afganë e jemi krenarë për këtë. Ne bëjmë detyrat tona karshi traditës e fëmijëve tanë, jo detyrat e atyre që janë më të mëdhenj e më të pasur se ne”, shkruan Fuga.
Advertisement
