Ministri për Europën dhe Punët e Jashtme, Igli Hasani, ka dënuar sulmin e grupit islamik Hamas ndaj Izraelit. Përmes një reagimi zyrtar, Hasani deklaron se Shqipëria qëndron e vendosur kundër terrorizmit, ndërsa shpreh ngushëllime për popullin izraelit.
“Shqipëria dënon ashpër sulmin e mëngjesit të sotëm nga Hamasi kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin”, shkruan Hasani.
Më herët, Ministria e Jashtme bëri me dije se në mesin e viktimave nuk ka asnjë shqiptar, si dhe vuri në dizpocion numrin e ambasadës shqiptare në Izrael për çdo shqiptar që ka nevojë për ndihmë.
Grupi islamik Hamasi sulmoi me të paktën 7 mijë raketa Izraelin, ndërsa ky i fundit shpalli gjendje lufte.
Albania strongly condemns the attack this morning by Hamas against Israel. We stand firm against terrorism. Our thoughts are with the victims, their families and all of Israel.@elicoh1 @IsraelMFA @IsraelinAlbania
— Igli Hasani (@IgliHasani) October 7, 2023
