“Të vijojë dialogu Kosovë-Serbi”/ Begaj takon presidentin bullgar dhe ministrin e Jashtëm turk

Zhvillimet në Kosovë kanë qenë në qendër të takimeve që Presidenti i Republikës Bajram Begaj ka zhvilluar gjatë qëndrimit në Malin e Zi.

Kreu i shtetit shqiptar ka takuar presidentin e Bullgarisë Radev me të cilin bisedoi për nevojën e mbështetjes së dialogut mes Kosovës e Serbisë.

Çështja e Kosovës ka dominuar edhe takimin me Ministrin e Jashtëm turk, pasi Turqia merr komandën e KFOR-it në muajin nëntor.

Kryetari i shtetit Begaj dhe ministri  i Jashtëm  Hakan Fidan kanë  mbështetur vijimin e  dialogut mes Serbisë e Kosovës, si një zgjidhje që i shërben të gjithë rajonit.