Policia ka sekuestruar një sasi të madhe parash, të cilat dyshohet se vinin nga shitja e lëndëve narkotike. Blutë e Kuçovës kanë vënë në pranga dy persona, të cilët merreshin me shitjen e lëndës narkotike në këtë qytet. Gjatë kontrollit të banesës së tyre janë sekuestruar para, elektroshok dhe 2 shkopinj metalik.
“Sekuestrohen 20 600 paund dhe 3 000 000 lekë, të dyshuar të përfituar nga veprimtaritë kriminale, si dhe një elektroshok dhe 2 shkopinj metalik”, njofton policia.
Advertisement
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
