Ka dështuar plani i dy drejtuesve të autobusit të linjës Bari-Durrës, të cilët tentuan që të kalojnë rreth 125 mijë euro të padeklaruara.
Policia njofton se shuma e parave ishte e fshehur në autobusin e linjës Durrës-Bari, i cili drejtohej nga shoferët D. M., 53 vjeç, banues në Vlorë dhe J. O., 31 vjeç, banues në Fier.
Një pjesë e parave ishin fshehur poshtë 2 sediljeve, të ngjitura me natriban, ndërsa një pjesë tjetër e kanë pasur dy shoferët.
125 mijë euro u sekuestruan nga policia dhe po punohet për të gjetur burimin e tyre.
Port Durrës/Kontrolle intensive, bazuar në analizën e riskut dhe në inteligjencën informative, për goditjen e krimeve ndërkufitare.
Falë kontrolleve dhe bashkëpunimit efikas mes strukturave të Policisë së Shtetit dhe autoriteteve doganore, si dhe inteligjencës informative të siguruar nga Policia e Shtetit, goditet, në hyrje të portit të Durrësit, një tjetër rast rast i mosdeklarimit të një shume të madhe eurosh.
AdvertisementFinalizohet operacioni policor i koduar “Linja”. Sekuestrohen 125 050 euro.
Vihen në pranga 2 drejtuesit e autobusit të linjës Bari-Durrës.
AdvertisementShërbimet e Policisë Kufitare, në bashkëpunim me Sektorin për Hetimin e Krimeve Ekonomike e Financare në Drejtorinë Vendore të Policisë Durrës dhe me autoritetet doganore, në zbatim të masave për parandalimin dhe goditjen e paligjshmërisë, kanë intensifikuar kontrollet si në dalje, ashtu edhe në hyrje, në portin e Durrësit.
Si rezultat i kontrolleve të shtuara, bazuar në analizën e riskut të bërë nga ana e shërbimeve të Policisë Kufitare dhe në inteligjencën informative të siguruar nga specialistët për Hetimin e Krimeve Ekonomike e Financiare të DVP Durrës, në hyrje, është kaluar në vijën e dytë, për kontroll më të imtësishëm, autobusi i linjës Durrës-Bari-Durrës, që drejtohej nga shtetasit D. M., 53 vjeç, banues në Vlorë dhe J. O., 31 vjeç, banues në Fier.
AdvertisementGjatë kontrollit në autobus, poshtë 2 sediljeve, u gjetën të ngjitura me natriban 67 460 euro.
Gjatë kontrollit fizik, shtetasit D. M. iu gjetën 9 500 euro, ndërsa shtetasit J. O. iu gjetën 48 090 euro.
AdvertisementNë cilësinë e provës materiale u sekuestruan gjithsej 125 050 euro.
Në përfundim të veprimeve të para hetimore, specialistët për Hetimin e Krimeve Ekonomike e Financiare të DVP Durrës arrestuan në flagrancë shtetasit D. M. dhe J. O., për veprat penale “Pastrimi i produkteve të veprës penale ose veprimtarisë kriminale” dhe “Mosdeklarimi në kufi i të hollave dhe sendeve me vlerë” dhe materialet i kaluan Prokurorisë pranë Gjykatës së Rrethit Gjyqësor Durrës.
