Thaçi, Veseli, Selimi dhe Krasniqi kërkojnë gjykimin në liri në shkallën e dytë të speciales

Pinterest LinkedIn Tumblr +
Thaçi, Veseli, Selimi dhe Krasniqi kërkojnë gjykimin në liri në shkallën e dytë të speciales

Katër krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi janë drejtuar në gjykatën e Apelit të Dhomave të Specializuara për ta kërkuar lirimin me kusht nga paraburgimi.Shkallës së dytë të Gjykatës Speciale, ata ju drejtuan pasi kërkesat e tyre ishin refuzuar nga gjyqtari i procedurës parapenale, Nicolas Guillou.

 

Në fund të muajit janar, gjyqtari Guillou i kishte refuzuar kërkesat e katër ish krerëve të UÇK-së për lirim me kusht. Guillou kishte vlerësuar se ekziston rreziku i ikjes, ndikimit në dëshmitar dhe kryerja e veprave penale tek të katërt të akuzuarit andaj kishte vendosur që të njëjtit t’i lë nën masën e paraburgimit si të vetëm masë të sigurt, sipas tij, për mbarëvajtjen e procedurës.

Advertisement

Në refuzimin e kërkesës së ish presidentit Hashim Thaçi, gjyqtari kishte përmendur edhe tentimet e tij për zhbërjen e speciales dhe lirimin e Shpresim Ukës dhe Bekim Sylës të cilët ishin të dënuar për vrasje. Katër krerët e UÇK-së po mbahen në paraburgim që nga koha e arrestimit të tyre në Kosovë.

Ata u arrestuan pasi ndaj tyre u konfirmua akuza për krime të luftës. Për këto akuza Thaçi, Veseli, Selimi dhe Krasniqi ishin deklaruar të pafajshëm. Ata akuzohen se gjatë marsit 1998 dhe shtatorit 1999 kishin kryer krime të luftës dhe krime kundër njerëzimit duke arrestuar dhe ndaluar persona civil në mënyrë të paligjshme, duke i trajtuar në mënyrë mizore, torturuar dhe zhdukur. Në mesin e shumë akuzave bëjnë pjesë edhe ato të vrasjeve të paligjshme.

Katër krerët e UÇK-së po mbahen në paraburgim që nga koha e arrestimit të tyre në Kosovë.Ata u arrestuan pasi ndaj tyre u konfirmua akuza për krime të luftës dhe për këto akuza Thaçi, Veseli, Selimi dhe Krasniqi ishin deklaruar të pafajshëm. Ata akuzohen se gjatë marsit 1998 dhe shtatorit 1999 kishin kryer krime të luftës dhe krime kundër njerëzimit duke arrestuar dhe ndaluar persona civil në mënyrë të paligjshme, duke i trajtuar në mënyrë mizore, torturuar dhe zhdukur.

Për të gjitha këto krime të pretenduara, Prokurori Xhek Smith i ngarkon Hashim Thaçin, Rexhep Selimin, Jakup Krasniqin e Kadri Veselin, se ishin në dijeni se këto krime ishin duke ndodhur dhe nuk kishin ndërmarrë asnjë veprim për parandalimin e tyre mirëpo, kishin nxitur kryerjen e tyre.Në këtë aktakuzë thuhet se Thaçi dhe të tjerët nxitën sulmet ndaj kundërshtarëve dhe nxiten vrasjen e tyre.

Advertisement

Sipas prokurorisë krerët e UÇK-së përmes deklaratave publike dhe veprimeve në terren, frikësuan, denigruan, eliminuan kundërshtarë dhe kërkuan të pozicionoheshin si i vetmi zë dhe si i vetmi përfaqësues legjitimë i shqiptarëve të Kosovës.Pjesë e aktakuzës 68 faqeshe të Prokurorisë janë edhe pretendimet për vrasje të paligjshme.Këto vrasje theksohet se janë kryer në territore të ndryshme të Kosovës dhe Shqipërisë. Sipas prokurorisë ato janë kryer në Likoc, Jabllanicë, Llapushnik, Drenoc, Malishevë, Bajgorë, Majac, Zllash, Kleҫkë, Kukës dhe Rahovec.

Në aktakuzë thuhet se një person gjatë vitit 1998 ishte mbajtur në kazermat e UÇK-së në Jabllanicë dhe ishte rrahur për vdekje nga pjesëtaret e UÇK-së. Aktakuza pretendon se fatin e njëjtë e kishin pasur edhe dy viktima të tjera të cilat ishin dërguar në kazermën e UÇK-së në Jabllanicë. Përpos vrasjeve në Jabllanicë në aktakuzë pretendohet se në fshatin Llapushinik ishte arrestuar një person nga pjesëtaret e UÇK-së ishte rrahur dhe ishte marrë në pyetje dhjetë natë rresht ndërsa në fund ishte vrarë.

Aktakuza tutje pretendon se pas një ofensive serbe, forcat e UÇK-së në Llapushink kishin arrestuar afërsisht 30 persona ku disa prej tyre më pas ishin lënë të lirë ndërsa të tjerët ishin qëlluar dhe vrarë. Aty përshkruhet edhe për gjashtë vrasje të kryera në Drenoc. Sipas prokurorisë gjashtë burra ishin arrestuar, rrahur dhe vrarë dhe eshtrat e tyre nuk ishin parë më kurrë. Pjesë e aktakuzës janë edhe akuzat për vrasjen e 11 civileve serb në Malishevë. Sipas aktakuzës në korrik të vitit 1998 një grup prej 11 të arrestuarish serbë u transferuan në një dhomë në bodrumin e një ndërtese në Malishevë.

Aty përshkruhet se këta civil ishin rrahur dhe shqelmuar nga anëtarët e UÇK-së e më pas ishin qëlluar dhe vrarë Prokuroria e Specializuar në këtë aktakuzë nuk e ka lënë pa e përfshirë edhe qendrën e paraburgimit në Kleçkë. Në këtë lokacion sipas prokurorit të specializuar gjashtë persona ishin dërguar dhe ishin rrahur për vdekje nga anëtaret e UÇK-së. Një tjetër person sipas prokurorit të specializuar kishte vdekur si rezultat i keqtrajtimit në Kukës.

Advertisement

Në këtë keqtrajtim thuhet se kishte marrë pjesë edhe Sabit Geci. Tre persona të tjerë ishin arrestuar në Rahovec, ata sipas aktakuzës ishin rrëmbyer nga ushtarët e UÇK-së në shtëpitë e tyre ndërsa nuk ishin parë më kurrë. Arsyeja se pse krerët e UÇK-së akuzohen për krimet dhe vrasjet e si përmendura sipas prokurorit të Specializuar është përgjegjësia komanduese. /Kalxo.com

Share.

Comments are closed.

Copyright © 2023 Struga.info | Privacy policy