Gjykata e Posaçme Kundër Korrupsionit dhe Krimit të Organizuar kaloi për gjykim dosjen në ngarkim të ish-kryebashkiakut të Lezhës, Fran Frroku si dhe 10 zyrtarëve të tjerë të akuzuar për tjetërsimin e pronave.
Gjykata ka pranuar gjithashtu gjykimin e shkurtuar për të pandehurit. Sipas hetimeve të nisura që nga viti 2019, rezulton se janë përfituar në mënyrë të jashtëligjshme 66 mijë metra katrorë tokë në bregdetin e Lezhës, me vlerë 13 milionë euro.
Advertisement
SPAK argumenton se është dokumentuar se në kundërshtim me ligjin u përvetësuan sipërfaqe të mëdha toke, ndërsa në vitin 2021 Gjykata e Posaçme vendosi sekuestrimin e këtyre pronave.
