Policia e Gjirokastrës ka vënë në pranga një 34-vjeçar i cili po transportonte emigrantë të paligjshëm. Policia bën me dije se 34-vjeçari nuk i është bindur urdhërit të policisë për të ndaluar automjetin. Pasi vënies në ndjekje uniformat blu e kanë ndaluar në aksin nacional Gjirokastër-Tepelenë, në vendin e quajtur “Mashkullorë”.
Pas kontrollit të mjetit rezultoi se 34-vjeçari po transportonte 3 emigrantë nga vendet MENA, nga Saranda në drejtim të Tiranës. Policia raporton se i arrestuari kryente aktivitetin e paligjshëm kundrejt shumës 350 euro për person.
Advertisement
