Policia e Korçës prej dy ditësh vijon me kontrolle për kamerat e sigurisë të cilat janë vendosur në qytetet e Korçes dhe Pogradecit si dhe në disa prej fshatrave më të njohur të juglindjes së vendit.
Burime bëjnë me dije deri tani nga kontrollet e ushtruar janë hequr dhe sekuestruar 31 kamera kryesisht në qytetin e Pogradecit si dhe fshatrat më të njohur të dy bashkive. Të njëjtat burime thanë se gjatë ditës së sotme nga ana e strukturave të policisë së drejtorisë vendore të Korçës po punohet për heqjen e kamerave të vendosura pa leje në qytetin e Korçës.
Policia deri tani nuk ka bërë me dije se kujt i përkasin këto kamera ashtu siç nuk ka thënë asgjë nëse kamerat e para të hequra i përkasin personave në probleme me policinë apo janë vendosur në mënyrë të paligjshme nga biznese që operojnë në këto dy qytete si dhe fshatrat ku kamerat janë hequr tashmë.
