Ditën e sotme është parashikuar mbledhja e radhës e komisionit të Reformës Zgjedhore.
Ashtu si herën e kaluar, situate është e tensionuar pasi Garda E Republikës nuk ka lejuar deputetët e grupit Bardhi-Berisha të hyjnë në sallën ku pritet të zhvillohet mbledhja.
Siç shihet në pamjet e siguruara ngaVizion Plus, deputetët kanë tentuar të futen me dhunë në sale.
Debatet:
Albana Vokshi: Më jep letrën ku e ke?
“Është i përjashtuar”, dëgjohet të thotë një nga punonjësit e Gardës.
Albana Vokshi: Nuk hyn njeri këtu po nuk hymë ne, harroje.
“Sikur po hyjmë në burgun e sigurisë së lartë”, thotë një nga deputetet demokrate.
Ndryshe nga herët e tjera, ku demokratët kanë mundur të futen në sallë dhe kanë zënë karriget e anëtarëve të “Zgjedhores” duke mos lejuar zhvillimin e kësaj mbledhje, ditën e sotme ata janë përballur me rezistencën e efektivëve të Gardës së Republikës. Gardistët nuk kanë lejuar deputetët e grupit Bardhi-Berisha që të hyjnë në sallë, duke prishur kështu skenarin e demokratëve.
Seketaria nga Kuvendi lajmëroi ditën më parë se Komisioni për Reformën Zgjedhore do të mblidhet ditën e martë, 6 shkurt 2024 , ora 12:30 pranë sallës “Pjetër Arbnori” në katin e katërt në ambientet e Kuvendit.
Kujtojmë se më datë 26 janar mbledhja për zgjedhoren u zhvillua online, për shkak të zaptimit të karrigeve nga deputetët e Rithemelimit. Kjo detyroi thirrjen online të komisionit, që në mbledhjen 20 minutëshe miratoi planin e punës dhe programin./vizionplus.tv
