Grupi i parë i afganëve të sistemuar në vendin tonë janë kryesisht të rinj si dhe njerëz publikë. “Vizion Plus” mëson se 27 prej tyre janë gazetarë, 8 janë aktivistë të shoqërisë civile dhe 19 janë studentë.
Kryeministri Edi Rama ishte në Durrës, në struktuarat hoteliere ku janë vendosur 121 afganët, për të parë nga afër gjendjen e tyre
Qytetarja afgane: Faleminderit për bujarinë që keni treguar për grupin tonë, nuk është e lehtë për të strehuar njerëz krejt papritur, por kolegët tuaj po bëjnë të pamundurën.
Rama: Kemi qenë në këtë pozitë e dimë se çfarë është.
Gjatë takimit të tij me qytetarët afganë, Rama i shoqëruar edhe nga ministrja e shëndetësisë Ogerta Manastirliu shpërndanë lodra e dhurata për fëmijët.
Përveç ushqimeve dhe veshjeve, refugjatët afganë do të asistohen me shërbim sigurie e po ashtu edhe nga mjekë e psikologë.
