Vodhën naftë në kompaninë ku punonin, kapen në flagrancë dy burra në Fier (Emrat)

Policia e Fierit ka arrestuar në flagrancë dy persona në Fier të cilët gjatë natës kanë vjedhur një sasi karburanti në kompaninë ku ishin të punësuar.

Në pranga për vjedhje duke shpërdoruar detyrën, kanë rënë shtetasit Artan Klari dhe Bruno Ceka.

Policia e Fierit ka proceduar në gjendje të lirë edhe tre persona të tjerë për vepra të ndryshme penale.

Fier/Vihen në pranga 2 shtetas, procedohen në gjendje të lirë 3 të tjerë për vepra të ndryshme penale

Specialistët e Seksionit për Hetimin e Krimeve Ekonomiko-Financiare të DVP Fier arrestuan në flagrancë, për veprën penale “Vjedhja duke shpërdoruar detyrën”, kryer në bashkëpunim, shtetasit:

-A. K., 49 vjeç dhe B. C., 36 vjeç, të dy banues në Shijak, Durrës, me detyra respektive kontrollor dhe vrojtues në një kompani nafte, pasi dyshohet se gjatë natës, kanë vjedhur duke shpërdoruar detyrën, një sasi nafte që shërbente për makineritë e kompanisë.
—

Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi penal në gjendje të lirë ndaj shtetasve F. K., 54 vjeç dhe I. V., 51 vjeç, pasi gjatë një konflikti për motive të dobëta, janë goditur me grushte dhe kanë kanosur me fjalë njëri-tjetrin.

Advertisement

Specialistët e Sektorit të Qarkullimit Rrugor të DVP Fier referuan materialet në Prokurori dhe nisi procedimi penal në gjendje të lirë ndaj shtetasit D. D., 43 vjeç, banues në Tiranë, pasi ditën e djeshme, në aksin rrugor “Fier-Patos”, duke drejtuar automjetin tip “Benz”, ka aksidentuar këmbësorin, shtetasin R. R., 79 vjeç, banues në Portëz, i cili ndodhet në Spitalin Rajonal Fier, nën kujdesin e mjekëve.

—-

Më datë 04.09.2022, në Komisariatin e Policisë Fier, ka bërë kallëzim shtetasi S. A., banues në Strum, Roskovec, se është larguar nga banesa dhe nuk është kthyer më, nëna e tij, shtetasja H. A., 65 vjeçe, e cila sipas deklarimeve të shtetasit S. A. vuan nga probleme të shëndetit mendor. Po punohet për gjetjen e 65-vjeçares.

Materialet i kaluan Prokurorisë, për veprime të mëtejshme procedurale.

Advertisement