Mbrëmjen e të shtunës dhe deri në orët e para të mëngjesit qarku i Elbasanit u përfshi nga reshje dëbore. Reshjet ishin me intensitet të mesëm e të ulët, të shoqëruara me erëra të forta.
Për shkak të temperaturave nën zero, në akset rrugore nacionale, rurale dhe të brendshme ka prezencë të ngricave.
Advertisement
Në akset rrugore Elbasan-Rrogozhinë, Elbasan-Belsh, Elbasan-Gramsh ka patur bllokime të pjesshme mëngjesin e kësaj të diele prej pranisë së akullit. Pritet ndërhyrja e firmës kontraktuese që të hedhë kripë në këto pika.
Në akset Elbasan-Qafë Thanë dhe Elbasan-Gjinar trashësia e dëborës ka arritur mbi 20 cm. Aksi Librazhd-Steblevë është bllokuar. Po ashtu, disa fshatra kanë mbetur pa drita.
Advertisement
