Zbardhet takimi i ambasadorit gjerman me Bashën, ja për çfarë biseduan

Diplomati gjerman në Shqipëri, Peter Zingraf, u takua këtë të martë me kryedemokratin Lulzim Basha.

Ka qenë ambasada gjermane ajo që ka zbardhur detaje nga takimi, i cili është zhvilluar në vazhdën e shkëmbimeve periodike të informacionit.

“Ambasadori Zingraf u takua sot me Kryetarin e Partisë Demokratike dhe drejtuesin e opozitës Lulzim Basha në vazhdën e shkëmbimeve periodike të informacionit.

Temë e bisedës ishin ndër të tjera puna aktuale në parlament, procesi i reformave në rrugën e Shqipërisë drejt BE-së, lufta kundër korrupsionit dhe krimit të organizuar si dhe çështje të institucioneve brenda PD-së dhe programatikës së saj për të ardhmen.”