Zbërtheu krime dhe atentate të tmerrshme/ Lihet në burg vrasësi me pagesë Nuredin Dumani

Pasi fundosi tetë grupe kriminale përmes dëshmive, Nuredin Dumani u njoh këtë të shtunë me masën e sigurisë.

Dumani, i cili ka marrë statusin e të penduarit të drejtësisë, u la në “arrest me burg”.

Masa iu komunikua nga ambientet e spitalit, ku qëndron i shtruar për shkak të plagëve të marra gjatë një atentati që iu në mars në Elbasan.

Ndaj Nuredin Dumanit rëndojnë një sërë akuzash, nga vrasje me paramendim, vjedhje, deri te grup i strukturar kriminal.

Gjatë ditës, trupa e gjyqtarëve do të japë masën e sigurisë edhe për Henrik Hoxhajn, po ashtu bashkëpunëtor drejtësie, dhe për 18 të arrestuarit e tjerë gjatë super-operacionit “plumbi i artë”.

Deshmia e te penduareve zbardhi dhjetra vrasje te urdheruara nga boset e krimit.