Zgjedhjet e pjesshme/ Fillon votimi në 6 bashkitë e vendit

Janë hapur qendrat e votimit në 6 bashkitë vendit Vorë, Rrogozhinë, Lushnjë, Shkodër, Dibër dhe Durrës.

Qytetarët e parë kanë hedhur votën e tyre për të zgjidhur kryetarët e rinj të bashkive mes kandidatëve të PS, PD e koalicionit ‘Shtëpia e Lirisë’.

654,538 shtetas shqiptarë me të drejtë vote do t’i drejtohen sot kutive të votimit. KQZ ka bërë me dije se janë 10,134 zgjedhës që votojnë për herë të parë, ndërsa 135 shtetas nuk janë përfshirë në lista për shkak të dekriminalizimit.

Në të 6 bashkitë do të jenë 941 qendra votimit që do të jenë të hapura nga ora 07:00-19:00.