Zëdhënësja e fushatës së Partisë Demokratike, Floriana Garo, ka dhënë mesazhin për shqiptarët që të dalin të votojnë dhe të vendosin për veten e tyre.
Ajo shprehet se një herë në katër vjet ne kemi mundësinë të vendosim për rrugën që do të ndjekë sipas saj vendi ynë në 4 vitet e ardhshme.
Sipas saj kjo është një ditë e madhe për Shqipërinë dhe për demokracinë e vendit.
“Falenderojmë nga zemra gjithë qytetarët e Shqipërisë që sot marrin përgjegjësinë për fatin e tyre dhe dalin për të votuar.
Një herë në katër vjet ne kemi mundësinë të vendosim për rrugën që do të ndjekë vendi ynë në 4 vitet e ardhshme. Qytetarë shqiptarë, dilni për të votuar dhe për të vendosur.
Kjo është një ditë e madhe për Shqipërinë dhe për demokracinë tonë. Është koha jonë të dalim dhe të votojmë.
Të gjithë e shohim entiziazmin anembanë Shqipërisë. Dilni dhe votoni – për të ardhmen tuaj, për fëmijët tuaj, për vendin tone”, shprehet ajo./Vizion Plus
