Zjarret e qëllimshme djegin pyjet/ Korçë, flakët shkaktojnë dëme të mëdha në sipërfaqet me pisha

Prej dy ditësh vatrat e zjarreve në zonën e mbrojtur të bredhit të Drenovës në Korçë vazhdojnë të jenë aktive.

Terreni i thyer malor dhe era e fortë e bëjnë të pamundur ndërhyrjen e zjarrfikëseve. Në terren janë të angazhuara edhe forcat e ushtrisë, kryesisht në zonën e mbrojtur të bredhit të drenovës, atje ku situate paraqitet më e vështirë.

Nga ana tjetër vatrat e zjarrit në pikën turistike të Moravës janë shuar plotësisht që në orët e para të mëngjesit të sotëm. Sipas burimeve punonjësit e bashkisë janë duke mbajtur nën kontroll edhe vatrat e zjarreve edhe në pyjet e fshatit turistik të dardhës.

Zjarrvënia në të dyshohet se ka qenë e qëllimshme.