Të gjithë stresohen herë pas here dhe kjo është krejt e natyrshme, trupat tanë janë krijuar për të përballuar këtë eventualitet, transmeton lajmi.net.
Problemi vjen kur shqetësimi nuk kalon dhe është konstant, që do të thotë se nivelet tona të stresit janë kronikisht të larta.
Kjo mund të çojë në të gjitha llojet e problemeve fizike duke përfshirë sëmundjen e zemrës, presionin e lartë të gjakut, ulcerat dhe çështje të shëndetit mendor të tilla si depresioni.
Hiqni stresuesit
Ndoshta mënyra më e qartë dhe ende potencialisht mënyra më e vështirë për të ulur nivelet e stresit është të hiqni stresuesit në mënyrë që ata të mos ju shqetësojnë më.
Pasi të keni zbuluar arsyen e stresit, ju mund të punoni për ta eliminuar atë nga jeta juaj. Mund të flisni me një terapist, ose të konsolidoni borxhin.
Bëni një masazh
Një masazh është një mënyrë e bukur për tu ndjerë më pak të stresuar. Mos u shqetësoni nëse duket pak egoist apo edhe vetë-indulgjent të rezervoni vetes një masazh nëse është ajo që ju nevojitet dhe dëshironi.
Kur bëhet fjalë për shëndetin tuaj, ju duhet të bëni atë që është më e mira, dhe ky me të vërtetë mund të jetë një masazh.
Zhytuni në vaskë
Ka pasur raste kur ju keni ardhur në shtëpi nga puna, shkolla ose thjesht i keni vënë fëmijët në shtrat pas një dite të gjatë dhe të lodhshme.
Një zhytje e mirë në vaskë është një mënyrë e shkëlqyeshme për të zvogëluar stresin dhe tensionin dhe për ta bërë veten të ndiheni shumë më mirë për gjithçka që po ndodh rreth jush, shkruan alternative medicine.
Provoni meditimin
Meditimi është diçka që shumë njerëz e shohin se është mënyra perfekte për t’u çlodhur dhe de-stresuar.
Nëse nuk e keni provuar kurrë më parë, mund të ndihet e çuditshme në fillim, por pasi të mësoheni dhe të kuptoni se sa mirë mund t’ju bëjë të ndiheni, së shpejti do të filloni të bëheni më të mirë në të dhe ta bëni gjithnjë e më shumë.
Ushtrim i rregullt
Ne e dimë që duhet të kryejmë ushtrime të rregullta nëse duam të mbajmë trupin tonë të shëndetshëm, por a e dini se mund të ndiheni edhe më pak të stresuar pas ushtrimeve?
Kjo sepse, ashtu si me meditimin, do të jeni plotësisht të përqendruar në detyrën që po kryeni dhe nuk do të keni vend për mendime negative, shqetësuese.
Kjo lejon që mendja juaj të relaksohet. Trupi juaj, ndërkohë, po prodhon hormone pozitive që ndihmojnë në bllokimin e atyre negativë që mund të kontribuojnë në nivelet tuaja të stresit të lartë. /Lajmi.net/
