Gjithmonë e më shumë zgjidhje kundër Covid-19, ja zbulimet e fundit shkencore dhe rezultatet premtuese

Pinterest LinkedIn Tumblr +

Kërkimet nuk ndalen për ta kuptuar më mirë Covid-19 dhe për ta mposhtur atë. Lajmi më i fundit premtues vjen nga një studim i neuroshkencëtarëve, Thomas J. Esparza dhe David L. Brody, të cilët punojnë në një laborator të imazheve të trurit në Institutin Kombëtar të Shëndetit në Britani. Rezultatet që u publikuan në revistën “Raportet Shkencore” treguan se studiuesit kanë izoluar një seri antitrupash ose “nanotrupash” të vegjël  kundër Covid-19 të prodhuar nga një lamë me emrin Cormac.

Një “nanotrup” është një lloj i veçantë i antitrupave që prodhohet natyrshëm nga sistemi imunitar i deveve, një grup kafshësh që përfshin devetë dhe lamat. Për shkak se nanotrupat e izoluar laboratorik janë versione lundruese të majave të proteinave me zinxhir të rëndë që formojnë shtyllën kurrizore të një antitrupi tipik IgG njerëzor në formë Y, këto proteina peshojnë rreth një të dhjetën më pak se shumica e antitrupave në formën Y.

Ndryshe nga antitrupat tipikë, nanotrupat janë më të qëndrueshëm, më pak të kushtueshëm për t’u prodhuar dhe më të lehtë për t’u modeluar. Që nga shpërthimi i pandemisë, disa shkencëtarë kanë zhvilluar nanotrupa nga lama kundër proteinës Spike të Covid-19 që mund të jetë efektive në parandalimin e infeksioneve.  Në hetimin aktual, u përdor një strategji disi e ndryshme për të identifikuar nanotrupat që mund të punojnë në mënyrë efektive.

Proteina Spike e Covid, duke vepruar si një çelës, hap derën e infeksionit kur ajo lidhet me një proteinë të njohur si receptori i enzimës shndërruese të angiotenzinës 2 (ACE2) që gjendet në sipërfaqen e disa qelizave. Esparza dhe Brody zhvilluan një metodë që do të izolonte nanotrupat e aftë për të bllokuar infeksionet duke mbuluar dhëmbët e proteinës Spike që lidh dhe zhbllokon receptorin ACE2. Për ta bërë këtë, studiuesit e imunizuan lamën Cormac 5 herë në 28 ditë me një version të pastruar të proteinës Spike të Covid. Pasi testuan qindra nanotrupa, ata zbuluan se lama prodhoi 13 nanotrupa që luftonin Covid-19.

Advertisement

Në veçanti, u tregua se një nga nanotrupat më të mirë, i njohur si NIH-CoVnb-112, i bashkangjitur direkt në pjesën lidhëse të receptorit ACE2 të proteinës Spike. Për të imituar virusin Covid-19 shkencëtarët mutuan gjenetikisht një “pseudovirus” të padëmshëm në mënyrë që të mund të përdorte proteinën Spike për të infektuar qelizat që posedojnë receptorë njerëzorë ACE2.

Eksperimenti tregoi gjithashtu se nivele relativisht të ulëta të nanotrupave NIH-CoVnb-112 mund të kishin parandaluar edhe  pseudovirusin të infektonte qelizat. Pavarësisht nga rruga e gjatë për të bërë këtë gjë, rezultatet e marra janë premtuese. (Il Giornale, gazeta “Si”)

Share.

Comments are closed.

Copyright © 2020 Struga.info | Privacy policy