Mjeku imunolog Genc Sulçebe shprehet se përse nuk duhet të bëhen antibiotikët dhe kortizonikët sepse ato e ulin sistemin imuntar, raporton “TopChannel”.
Këto mjekime duhet të bëhen vetëm për personat mbi 60 vjeç ndërsa për të tjerët duhet të bëhen në stadin e vonshëm, pas 10 ditëve, transmeton lajmi.net.
“Stop antibiotikëve stop kortizonikëve, ulin sistemin imunitar. Është një infeksion viral i cili vetëm në 10% jep komplikime për t’u shtruar në spital dhe 10% janë njerëzit e rrezikuar, meshkujt mbi 60-vjeç, ata me sëmundje shoqëruese, një grup kontigjen që është i rrezikuar.
Të tjerët nuk kanë nevojë të marrin asnjë lloj mjekimi. Sistemi imunitar normal e dominon virusin dhe vetë-shërohet, në rastet ekstreme ky virus mund të japi komplikime, vetë sistemi imunitar jep një farë bllokimi dhe këtu duhet kortizoniku, vetëm në stadin e vonshëm, pas 10 ditëve. Në 10 ditëshin e parë sistemi imunitar reagon dhe e eliminon virusin,
Ata që e kalojnë si grip të lehtë mos merr asnjë lloj mjekimi. Mjekime të pa dëgjuara, abuzive dhe që janë skandaloze. Sistemi imunitar normal, të gjithë ne kështu e kemi, kemi shkallë të ndryshe të reagimit, ne e kalojmë këtë infeksion, jep një gjendje gripale, zgjat pak por imuniteti e përballon dhe vetëshërohet.
Ka raste që jep komplikime, që jep një farë bllokimi të rrugës së mushkërive dhe duhet medikament. Vetëm në stadin e vonshëm pas 10 ditëve. Ditët e para sistemi imunitar reagon dhe e largon virusin.
Ndonjëherë saturimi i oksigjenit gënjen, ndonjëherë nuk janë të sakta. Një gjykim i kujdesshëm i mjeku i cili duhet të thotë duhet drejtuar në spital apo jo”, u shpreh mjeku. /Lajmi.net/
