Drama mes aktorëve Brad Pitt dhe Angelina Jolie pritet të marrë përmasat e gjyqit të Johnny Depp me Amber Heard. Kjo pasi ish çifti, i cili u nda në 2016, jo vetëm që nuk ka rënë ende dakord për kujdestarinë e fëmijëve, por kanë mosmarrëveshje të tjera dhe Pitt e ka hedhur në gjyq.
Pitt ka mësuar se Angelina Jolie i kishte shitur gjysmën e vreshtit të tyre të famshëm francez një ‘oligarku rus’ nga një deklaratë për shtyp. Ata të dy kishin një marrëveshje që nuk lejonte shitjen e vreshtit në Francë, pa rënë të dy dakord, pasi ai ishte edhe vendi ku u martuan në 2014.
Por Pitt i habitur, zbuloi se ish-gruaja e tij kishte shitur ‘fshehurazi’ 50 për qind të aksioneve të saj kur një deklaratë për shtyp e vitit 2021 njoftoi se ai kishte partnerë të rinj biznesi.
‘DailyMail’ raporton se blerësi ishte pjesë e një konglomerati vodkash ‘të lidhur me Rusinë’, i kryesuar nga një oligark miliarder, i cili do të përdorte lidhjen e Hollivudit për të pastruar reputacionin e tij.
“Siç do të tregohet në gjyq, veprimet e Jolie ishin të paligjshme, duke dëmtuar rëndë dhe qëllimisht Pitt dhe duke e pasuruar padrejtësisht veten”, thuhet në dokumentin, i depozituar në Gjykatën e Lartë të LA dhe i marrë ekskluzivisht nga DailyMail.
Përshtati: Living
