Jennifer Lopez mund të bëjë gjithçka dhe të na bëjë ta duam atë, por këtë herë ajo e ka çuar stilin në një nivel tjetër.
Ylli 54-vjeçar eci në rreshtin e parë të shfaqjes së modës së Schiaparelli -t për pranverë/verë 2024 me një veshje të krijuar posaçërisht për të nga stilisti Daniel Roseberry , i cili përfshinte një pallto me petal trëndafili .
Sipas asaj që ka shkruar në një postim që ka bërë në llogarinë personale në Instagram, xhaketa e saj me 7 mijë petale ka arritur të mbetet në gjendje të mirë falë ujit me sheqer në të cilin ishte vendosur.
Në anën e pasme të palltos ishte një diell i qëndisur me fije argjendi, një teknikë vërtet mjaft e vështirë, e cila ia ngriti veshjen Lopez . Këngëtarja dhe aktorja kishte veshur geta të ngushta të zeza, një bluzë të bardhë me detaj të thurur, një rrip kremi dhe një palë taka me simbolin karakteristik të shtëpisë me vrimën e çelësit prej ari.
jo e kompletoi look-un e saj me një palë syze dielli të çuditshme dhe një çantë Schiaparelli.
Mes gjithë këtyre detajeve dhe elementeve luksoze, për pak harruam të theksojmë se ylli i preu flokët shkurt, gjë që sigurisht i shkon shumë. Ajo u shfaq në pasarelë me një pamje të lagur, e cila i nxirrte në pah veçanërisht cepat e fytyrës./vizionplus.tv
