Eventi i Festivalit të Filmit në Venecia ka tërhequr të gjithë vëmendjen e mediave këto ditë, për shkak të yjeve që kanë shkelur mbi tapetin e kuq.
Të shumtë kanë qenë personazhet e botës së televizionit që kanë marrë pjesë, e sigurisht nuk mund të mungonin dhe ato shqiptare.
Modelja e njohur Beniada Nishani u shfaq totalisht rrezatuese në edicionin e 80-të Festivalit të Filmit në Venecia. E veshur me një fustan ngjyrë nude dhe kompletuar me kristale modelja nuk mund të mos e tërhiqte vëmendjen e pjesëmarrësve.
Pamjet i ka ndarë vetë Beniada me ndjekësit përmes një postimi në llogarinë e saj Instagram duke shkruar: “Ja pamjet nga tapeti i kuq i mbrëmshëm me rastin e filmit të Stephane Brizé me Guillaume Canet dhe Alba Rohwracher. Një film me një romantizëm të jashtëzakonshëm që në fund më la me lot në sy.”
