Këngëtarja me famë botërore, Lady Gaga ka rrëfyer një pjesë të historisë së saj tronditëse. Gjatë shfaqjes “The Me You Can’t See”, Gaga ka zbuluar se është përdhunuar në moshën 19-vjeçare dhe se më pas është hedhur në rrugë kur ishte shtatzënë.
“Isha 19 vjeçe dhe po hidhja hapat e parë në industri, dhe një producent më tha ‘hiq rrobat’. Unë thashë jo dhe u largova. Ai më tha se do t’i vinte flakën të gjithë karrierës time. Së pari ndjeva dhimbje totale, pastaj u mpiva. Isha e sëmurë për javë dhe javë të tëra, pastaj kuptova se ishte e njëjta dhimbje që ndjeva kur personi që më përdhunoi më la shtatzënë në një cep jashtë shtëpisë së prindërve të mi.”
Lady Gaga ka treguar më tej se për vite me radhë ka patur probleme të rënda psikologjike dhe madje ka tentuar të lëndojë edhe veten.
