UEFA Champions League startoi mbrëmjen e së martës sezonin e ri për fazën “Play off”. Antverp, skuadra për të cilën luan edhe sulmuesi shqiptar Arbnor Muja mposhti me rezultatin 1-0 AEK-un e Athinës.
Belgët kaluan në avantazh në minutën e 16-të falë golit të Jansen. Me shifrat 1-0 përfundoi edhe dueli i dytë i mbrëmjes.
Kopenhagen siguroi fitoren në transfertë kundër polakëve të Rakov falë një autogoli të Racovitan. Ndeshja tjetër e mbrëmjes të së martës në Tring, mes Rangers dhe PSV Eindhoven u mbyll me barazim 2-2.
Abadallah Sima shënoi golin e parë për vendasit por me nisjen e pjesës së dytë rezultati u barazua nga holandezët me Sangare.
Goli i Matando në minutën 76’ i shërbeu skocezëve të kalonin në avantazh. Miqtë arritën të barazonin sërish falë goditjes me kokë të De Jong, pasi kishin kaluar vetëm 4 minuta nga entuziazmi i Rangers.
