Holanda dhe Senegali u kualifikuan për në 16 ekipet më të mira të Kupës së Botës.
“Tulipanët” fituan ndaj Katarit me rezultatin 2 me 0, duke e mbyllur grupin në kuotën e 7 pikëve. Katari rezistoi deri në minutën e 26 por një aksion fantastik i Depay dhe Klaassen, u finalizua në portë nga Gakpo i cili shënoi golin e tij të 3 personal në këtë botëror ,duke konfirmuar dhe njëherë formën e shkëlqyer.
Në fraksionin e dytë, Holanda firmosi suksesin duke shënuar golin e dytë në minutën e 57-të me anë të Frenkie De Jong. Kështu, Holanda kualifikohet në fazën 1/8, aty ku e pret një përballje me vendin e dytë të Grupit B, nje kundershtar mes Iranit, SHBA ose Anglise.
Nga ana tjetër, vendi organizator, Katari e mbyll këtu pjesëmarrjen në Botëror pa asnjë pikë në tre ndeshje e duke u bërë i pari vend organizator që regjistron një rezultat kaq negativ.
Ndërkohë në sfiden tjeter Senegali fitoi ndeshjen direkte kundër Ekuadorit në 2 me 1 duke vijuar rrugetimin në botëror.
Kombëtarja afrikane luajti më mirë duke e merituar plotësisht kualifikimin. Ndeshja u zhbllokua në fundin e pjesës sëp arë kur OImsial Sarr ekzekuyoi sakte një goditje nga pika e bardhe e penalltisë.
Në fraksionin e dytë ndeshja ishte edhe më e bukur pasi Ekudori arriti të barazojë me anë të Kaisedos, një gol që do t’i kualifikonte ameriano-latinet për më tej.
Mirëpo vetëm 3 minuta më vonë Koulibaly riktheu festen tek Senegali, që ndryshe nga pritshmëritë ia doli të siguroje një sukses të madhe.
