Një prej trajnerëve më të trofeshëm në Maqedonine e Veriut, Qatip Osmani, merr drejtimin e “Vllaznise”, ku pritet qe të hedh firmën në kontratë, e cila do ta mbajë lidhur me skuadrën në fjalë deri në vitin 2024.
Osmani në këtë post vjen si zëvendësues i Migen Memellit, ndërsa për ndihmës do të ketë Bashkim Livorekën.
Qatip Osmani është njohës shumë i mirë i futbollit dhe praktikon më shumë lojë sulmuese. Ai ishte pjesë e Shkëndijës, me të cilën fitoi tre tituj kampion dhe një trofe të Kupës. Ai gjatë karrierës së tij si trajner ka udhëhequr edhe ekipin e Renovës, ndërsa ka të fituar gjithësej tre tituj kampion, një trofe të Kupës dhe një Superkupë. Trajneri tetovar gjithashtu ka drejtuar edhe skuadren e FC Shkupit.
Osmani debutimin e tij me skuadrën shkodrane do ta ketë të mërkurën (01.11.2023) në ndeshjen me FK Erzenin.
